Nyuma y’ibyumweru 2 mu kato ibizami byemeje ko Diamond Platnumz nta Coronavirus arwaye.

Diamond Platnumz yari amaze ibyumweru bibiri  mu kato,  ni nyuma yaho yari akubutse i Burayi ndetse bikanagaragara ko umwe mu bajyanama be Sallam Sk yanduye Coronavirus. Gusa kuri uyu wa kane tariki ya 2 Mata 2020, Diamond ubwe yivugiye ko yavuye mu kato kandi anemeza ko atarwaye Coronavirus.

Mu butumwa yanyujije ku mbuga nkoranyambaga ze buri kumwe n’inzandiko za muganga zimwemerera gusohoka, Umuhanzi Diamond Platnumz  yashimiye Imana yamufashije kumara iyi minsi 14 itari yoroshye hamwe n’abaganga bamwitayeho.

Yagize ati “Ku bafana banjye ndabashimira ku masengesho, ariko Coronavirus si ibihuha kandi irandura. Dukomeze gukurikiza amabwiriza yashyizweho n’ababishinzwe kugira ngo turinde abo dukunda ndetse n’igihugu cyacu”.

Umuhanzi Diamond kandi yanavanye mu kato na Emmanuel Yakobo, Graysson Bruno, Moses Peter Iyobo, Habibu Ahmed Bajuni, Salum Ally Hassan ndetse na Ashraf Ally Lukamba bari  kumwe mu kato. Gusa abaganga bakaba babasabye gukomeza kwirinda kuba bagira aho bahurira n’iki cyorezo.