Ikipe ya Rayon Sports yatangaje ku mugaragaro ko Haringingo Francis Christian yongeye kuyisinyira nk’umutoza mukuru, mu rwego rwo gukomeza kuyifasha kongera kwitwara neza mu marushanwa atandukanye.
Haringingo si mushya muri iyi kipe ikunzwe nabatari bake mu Rwanda, kuko yayibayemo mu bihe byashize ayifasha kugera ku ntsinzi zitandukanye. By’umwihariko, yibukirwa cyane uruhare rwe rukomeye mu gutwara Igikombe cy’Amahoro mu mwaka wa 2023, igikombe Rayon Sports yegukanye yitwaye neza mu mikino yose.
Ubuyobozi bwa Rayon Sports bwatangaje igaruka rya Haringingo Francis Christian bubinyujije ku mbuga nkoranyambaga, bumwakira bwishimye, buvuga ko “Nta watanya umwana n’umuryango we.”
