GAKUMBA Patrick umaze kwamamara mu ruhando rw’imyidagaduro yo mu Reanda nka Supermanager yannyeze Bruce Melody bikomeye ndetse anemera kumwishyurira ishuri ngo asubire kwiga Icyongereza nyuma yuko hagaragaye amwe mu mashusho akora amakosa muri urwo rurimi.
Nyuma yuko Umuhanzi Bruce melody akubutse mu Gihugu cya Kenya mu rugendo yari yagiyemo hagati ya Tariki 10-15 werurwe uyu mwaka mu kumenyekanisha ibikorwa bye mu bitangazamakuru bitandukanye byaho, akumvikana kuri radio Yitwa Kiss FM yo muri Kenya imwe mu zo yari yagiyeho akoresha ururimi rw’Icyongereza nabi, Supermanager yamwemereye kumwishyurira ngo asubire ku ishuri abanze yihugure.
Yifashishije urukuta rwa Instagram Supermanager yashyizeho amashusho ya Bruce melody ari kuri kiss Fm yo muri Kenya maze arandika ati “Narabivuze ngo ni ayanjye! Uyu mwana koko yabanje agasoza amashuri ko namwishyurira hanyuma agakomeza kuririmba(She ikoreshwa kuri Has not She Have)” akomeza agira ati “Public figure with poor English,the public cannot tolerate this (ujyenekereje bishatse kuvuga ko”’ Icyamamare gikoresha Icyongereza giciriritse, ibi ntabwo byakwihanganirwa)”
Mu bisa no kumwibasira ariko amucyebura GAKUMBA patrick (Supermanager) yunzemo mu yindi video ya postinze kuri urwo rubuga nanone asa nusubiramo amagambo yavuzwe na Bruce melody ati “No ,No ,No aho kuvugango ngo she Goes ati He Go ngo Kandi yashakaga kuvuga kumudamu we(aha hari ubwo umunyamakuru yaramubajije niba umukunzi we akunda umuziki we)” Supermanager araseka ati” mbega ukuntu basetse!”
Kugeza ubu Bruce melody ntacyo aratangaza ku byavuzwe n’uyu Mugabo basanzwe batajya imbizi muri uru ruganda rw’imyidagaduro hano mu Rwanda.
Bruce melody aherutse gushyira hanze amashusho y’indirimbo yiswe Totally Crazy yakoranye na Harmonize wo mu gihugu cya Tanzania ndetse yaraherutse no kwitabira iserukiramuco ryateguwe na Harmonize mu Gihugu cya Tanzania.
Ku rundi ruhande ariko Supermanager nawe aherutse gusinyana amasezerano y’ubufatanye n’uruganda rukora ibiryamirwa(Matera Dodoma)
