Itsinda ryamamaza Donald Trump ryatanze ikirego muri Komisiyo y’Igihugu y’Amatora (FEC) kirega Ishyaka ry’Abakozi mu Bwongereza, kwivanga mu matora yo muri Leta Zunze Ubumwe za Amerika mu rwego rwo gufasha kwiyamamaza kwa Kamala Harris na Walz.
Iki kirego kivuga ko hari imikoranire hagati y’Ishyaka ry’Abakozi mu Bwongereza n’abashinzwe kwamamaza Kamala Harris binyuze mu bikorwa by’ubwitange aho bamwe mu barwanashyaka b’iri shyaka ry’abakozi mu Bwongereza bagiye muri America kwamamaza Harris.
Ikinyamakuru cy’abongereza BBC dukesha iyi nkuru kivuga ko impirimbanyi z’Ishyaka ry’Abakozi ziri mu bikorwa byo kwamamaza mu matora ya perezida wa Amerika zibikora ku giti cyazo ntaho bahuriye no kuba batumwe n‘ishyaka.
Ikinyamakuru Washington Post kivuga ko hagiye habaho kuvugana hagati y’amashyaka (iry’Abademokarate rya Harris n’ishyaka ry’abakozi mu Bwongereza) kandi ko abayobozi bakuru bayo bahuye mu mwiherero.
Ikirego kigereranya gisa nicyo mu mwaka wa 2016 aho Ishyaka ry’Abakozi muri Australia, cyangwa ALP, ryohereje intumwa zifasha mu kwamamaza Bernie Sanders, Wari ahanganye na Hillary Clinton mu guhagararira ishyaka ry’abademokarate mu matora ya Perezida, aho Hillary Clinton yahigitse Bernie Sender, nawe akaza gutsindwa na Trump w’umurepubulikani.
Amatora ya Perezida w‘ Amerika azaba ku wa 5 Ugushyingo 2024. Aho Madam Kamala Harris umukandida w’ishyaka ry’abademokarate, akaba na Visi Perezida wa Amerika, azaba ahanganye na Donald Trump watanzwe n’ishyaka ry’abarepubulikani.
