Minisitiri wa Sport yagaragaye mu ruhame, nyuma y’uko mu mugoroba wo kuri uyu wa Mbere tariki 22 Gicurasi 2023 ku mbuga nkoranyambaga, hari hakwirakwijwe amakuru avuga ko, umwe mu bagize Guverinoma w’Umudamu w’Inzobe muremure yaba yafashwe yakira indonke, amakuru n’ibimenyetso byatangwaga byose bikaba byagaragazaga bikanumvikanisha ko uvugwa ari Minisitiri Mimosa.
Amakuru yandi yakurikiyeho, ni uko Minisitiri wa Siporo Munyangaju Aurore Mimosa yaba yari afitanye gahunda n’umuntu wari bumuhe indonke bakaba bagombaga guhurira kuri Hilltop Hotel iherereye i Remera mu mugoroba wo kuwa 1 nk’uko ikinyamakuru umuryango.
Gusa nyuma y’ibi byose byavuzwe kuri Minisitiri Munyangaju, Urwego rw’Igihugu rw’Ubugenzacyaha, RIB, rwahakanye amakuru yose avuga ko rwaba rwamutaye muri yombi kubera iyo ndonke, ndetse ikinyamakuru bwiza cyo kikanavuga ko umuvugizi wa Goverinoma y’urwanda na we yateye utwatsi iby’aya makuru.
Umukino Minisitiri Mimosa yagaragaye yagiye kureba wari ugamije kwerekana impano y’abakinnyi bato bakina imbere muri Afurika ukaba wabereye ku kibuga cya Lycée de Kigali.
Umwanditsi
