Abantu bane bari baranduye icyorezo cyabcoronavirus mu Rwanda bamaze gusezererwa, nyuma y’aho ibyemezo by’abaganga bigaragarije ko bakize. Abo bantu bagizwe n’abanyarwanda batatu hamwe n’umurundi umwe.
Uwo Murundi yari yageze mu Rwanda ku wa 18/03 avuye i Dubai ashaka gukomeza ngo age Bujumbura ariko birangira agaragaje ibimenyetso ahita ashyirwa mu kato.
U Rwanda rwaraye rutangaje ko abantu 102 aribo bamaze kumenyekana ko banduye Coronavirus.
Abo bantu basezerewe bavuye mu kigo gikurikirana iyo ndwara kiri i Kanyinya mu karere ka Nyarugenge hanze ya Kigali. Barekuwe nyuma y’byumweru bitatu mu Rwanda habonetse umuntu wa mbere wanduye Covid-19.
Mu ntangiriro z’icyi cyumweru minisitiri w’ubuzima mu Rwanda yari yavuze ko hari abarwayi bagaragaza ko bakize Coronavirus ariko icyo gihe hari hasigaye ibipimo byanyuma, ari byo byaje kugaragaza ko ari bazima bagasezererwa.
Abari mu Rwanda bose barakangurirwa kuguma mu ngo zabo no gukaraba intoki kenshi gashoboka, kuko Covid-19 ntabwo irabonerwa umuti uhamye cyangwa urukingo.
Umwanditsi
