Abarwayi bose bari barwariye Coronavirus mu bitaro bitandukanye mu mu mujyi wa Wuhan mu Bushinwa bakize barasezererwa basubira mu ngo zabo nkuko Leta y’ubushinwa yabitangaje.
Ishyirahamwe mpuzamahanga ryita ku buzima, OMS riherutse gutangaza ko nta cyemeza ko abakize COVID-19 badashobora kuzongera kuyandura .
Ni mu gihe ahandi hatandukanye ku isi ibihugu bikiri kubahiriza ingamba zo kuguma mu Rugo mu rwego rwo guhangana no gukumira ikwirakwira rya Coronavirus. Ibihugu byakurikije ingamba uko bisabwa, biratanga ikizere cy’uko Coronavirus itazigera ibizahaza nk’uko byabaye mu bihugu nk’ubutaliyani n’ahandi.
Zimwe muri Leta zunze Ubumwe z’Amerika zatangiye koroshya ingamba zo kuguma mu rugo mu rwego rwo kugira ngo abantu basubire mu mirimo, ubukungo bwazo bwe gukomeza kuhazaharira. Leta za Georgia, Oklahoma, Florida na Carolina y’epfo ziri muzatangiye iyo gahunda, mu gihe izindi Leta nazo zitegekanya ko zizatangira koroshya amabwiriza ya guma mu rugo muri iki cyumweru dutangiye.
Amerika niyo y’ambere mu kwibasirwa n’icyi cyorezo cya Coronavirus aho abantu barenga 900 000 bamaze kwandura, hakaba ari naho hari umubare munini w’abamaze guhitanwa n’iki cyorezo kuko abarenga 53 000 bamaze kwicwa na Coronavirusi.
Kugeza Ubu umuti uhari ushobora gufasha abantu kwirinda kwandura Coronavirus ni” guma mu rugo, karaba intoki kenshi ukoresheje amazi n’isabune byibuza hagati y’amasegonda 40 na 60, ikindi ugomba kwambara agapfukamurwa igihe cyose ugiye aho uri buhurire n’abantu benshi cyangwa se ukakambara mu rugo igihe uba mu gipangu kirimo ingo nyinshi(abantu benshi)”.
VOA
Umwanditsi
