Zambiya yamaze gufunga imipaka yayo ihaniraho imbibi na Tanzaniya mu mu rwego rwo gukumira ndetse no guhangana n’icyorezo cya Coronavirus. Gusa uwo mwanzuro ukaba uzagira ingaruka ku bukungu bushingiye kuri bumwe mu bucuruzi bwa Zambia.
Ku cyumweru gishize nibwo Prezida wa Zambiya, Edgar Lungu, yategetse gufunga imipaka hagati y’igihugu cye na Tanzaniya . Ni inyuma y’uko abantu 76 basanganywe icyorezo cya Coronavirus mu mugi wa Kakonde uri ku mupaka wa Zambia na Tanzaniya, uwo ukaba ariwo mubare munini ubonetse muri Zambia w’abantu banduriye umunsi umwe.
Zambiya ntabwo yigeze itangaza igihe imipaka hagati yayo n’igihugu cya Tanzanziya izamara ifunze cyangwa igihe izongera gufungurirwa.
Minisitiri w’ubuzima muri Zambiya, Chitalu Chilaufya, yatangaje ko umubare w’abari bamze kwandura Coronavirus ku cyumweru wari 267. Abari bamaze guhitanwa nayo ni 7. Muri Tanzaniya ho abamaze kwemezwa ko banduye Coronavirus ni 509 mu gihe abo imaze guhitana ari 21, nk’uko bitangazwa n’ishyirahamwe mpuzamahanga ryita ku buzima OMS.
Umwanditsi
