Hashize iminsi itari micye humvikana ubwandu bushya bwa Covid-19 buri kuyogoza igihugu cy’ubuhinde. Ubwo bwoko bushya bukaba bwitwa Delta, ndetse bukaba bunahangayikishije isi bikomeye kuko buri gukwirakwira byoroshye kandi ku rwego rwo hejuru.
Ministeri y’ubuzima mu Buhinde kuri uyu wa gatandatu yatangaje ko habonetse abantu 84332 banduye Covid 19 mu masaha 24 ashize. Uyu ni wo mubare muto w’abanduye ugaragaye muri iki gihugu mu gihe cy’iminsi 70.
Kuri uyu wa gatandatu kandi, Uburusiya bwatangaje ko umubare w’abandura ku munsi wageze ku 13510. Bivuze ko hiyongereyeho abantu 1000 ugereranije n’umubare wari watangajwe ku wa gatanu.
Ishyirahamwe rikuru ry’abaganga mu gihugu cy’uBwongereza rirahamagarira leta kuba iretse gukuraho zimwe mu ngamba yari yashyiriyeho gukumira iyi ndwara mu gihe hakomeje kugaragara ubwoko bushya bwa Covid 19 bwiswe Delta.
Imibare yatanzwe na leta y’Ubwongereza kuri uyu wa gatanu yerekanye ko abantu 8125 banduye ubwoko bushya bwa Covid 19. Uwo ni wo mubare munini w’abanduye ugaragaye kuva mu kwezi kwa kabiri. Abagera kuri 90 ku ijana mu barwaye Covid 19 bose mu gihugu banduye ubu ubwoko bushya bwa covid 19 bwagaragaye bwa mbere mu Buhinde
Hirya no hino ku isi ibihugu biragenda byongera gukaza ingamba kubera kwiyongera ku bwandu bwa Covid-19, nkaho muri Uganda babaye bahagaritse amashuri mu gihe cy’iminsi 42 ndetse n’ibindi bikorwa bitandukanye mu gihugu bigafungwa.
Umwanditsi
