Abantu basaga Miliyoni ebyiri bamaze kwandura Covid-19 ku isi. Ni mu gihe abagera kuri miliyoni imwe bo bayanduye mu byumweru bibiri gusa.
Muri abo bose banduye, iki cyorezo kimaze guhitana abantu barenga 126,000 naho abarenga 484,000 bamaze kugikira.
Leta Zunze ubumwe za Amerika nizo zikomeje kuzahazwa n’iki cyorezo kurusha ibindi bihugu ku isi. Kugeza ubu Leta Zunze ubumwe za America zifite abantu bagera ku 614,246 bamaze kumenyekana ko banduye – bakaba ari hafi kimwe cya gatatu cy’abanduye bose ku isi – naho 26,064 bo bakaba baramaze kwicwa n’iyi ndwara.
Mu Rwanda ho kuva Coronavirus yahagaragara, hashyizweho ingamba zo guhagarika ubuzima busanzwe mu gihugu mu gihe cy’ibyumweru bine ariko bishobora kongerwa mu kwirinda ikwirakwira rya coronavirus.
Kugeza ubu mu Rwanda harabarurwa abantu 134 banduye Coronavirus, gusa 49 muri abo barakize barasezererwa.
Umwanditsi
