Inteko ishingamategeko y’u Burusiya umutwe w’abadepite, izwi nka Duma irashinja urubuga rwa Youtube kuyifungira Shene ya Youtube isanzwe ikoresha.
Umukuru w’inteko ishingamategeko y’u Burusiya Vyacheslav Volodin yatangaje ko Abanyamerika bari kugerageza kubangamira nkana uburenganzira bw’Abarusiya.
Ku rubuga rwa Telegram, Volodin yagize ati: “Leta Zunze Ubumwe z’Amerika zirashaka kugira ukwiharira itangazwa ry’amakuru. Ibyo ntitwabyemera”.
Ni mugihe mu butumwa Youtube yashyize ahagaraga Kuri uyu wa gatandatu, yavuze ko iyo shene yahagaritswe kubera kurenga ku mategeko y’imikorere ya YouTube.
Nkuko Uburusiya bubitangaza, Duma-TV ifite abafatabuguzi (subscribers) barenga 145,000. Itangaza amashusho y’impaka zo mu nteko ndetse n’ibiganiro igirana n’abadepite.
Umwanditsi
