Umugabo witwa Amnuay Suriwong w’imyaka 68 wo mu gihugu cya Thailand yasanzwe yapfuye nyuma yo kwicwa n’ingurube y’agasozi yari yarajyanye kororera mu rugo.
Ibi byamenyekanye Ku wa 24 Ugushyingo, ubwo abaturanyi be bavugaga ko basanze umurambo wa Amnuay iwe mu ntara ya Kamphaeng Phet muri Thailand.
Amakuru yatanzwe n’aba baturanyi avuga ko Amnuay yari yasabye abaturanyi be ubufasha nyuma y’uko iyi ngurube y’agasozi icitse ashaka kuyigarura mu kiraro yabagamo.
Ku mubiri w’uyu mworozi bitahiriye hasanzwe ibikomere bibiri, bikaba bikekwa ko yabitewe n’iyi ngurube, ari nabyo bishobora kuba byaramuviriyemo urupfu kuko yavuye amaraso kugeza apfuye.
Iyo ngurube yaje guhigwa n’abaturage bo muri ako gace barayica.
Src: The Sun
Umwanditsi
