Mu gihugu cya Afurika Y’epfo abapolisi bagera ku 103 bamaze kwandura icyorezo cya coronavirus naho abayobozi basaga 1000 bo bari mu kato.
Jenerali Majoro Leon Rabie, uyobora Polisi yo mu gihugu cya Afrika y’Epfo yemeje ko kugeza ubu, Abapolisi 103 bamaze kwandura Covid-19. Ibi Jenerali Majoro Leon Rabie yabitangarije inteko y’iki gihugu kuwa 3 ushize, aho yasobanuye ko abapolisi 2,917 bapimwe COVID-19, abagera kuri 1,795 basanga ari bazima nta bwandu bafite bwa Covid-19 mu gihe 103 basanzwemo iki cyorezo.
Ikinyamakuru Tuko gitangaza ko Abayobozi barenga 1,000 bashyizwe mu kato. Naho mu Bapolisi 103 basanzwemo Coronavirus, abagera ku 10 bamaze gukira. Rabie yasobanuye ko inyubako za polisi 45 zimuwe naho inyubako 39 akaba ari zo zigaragaramo abanduye.
Yagize ati: “Bitewe n’ubwiyongere bw’ubwandu bisa n’ibiteye ubwoba. Usibye ingamba zo gukumira zashyizwe mu bikorwa ariko iracyaduca mu rihumye, ubwandu n’ingaruka ku bakozi”. Yavuze ko hafashwe ingamba zo kugabanya abakozi.
Kugeza ubu muri Afurika y’Epfo iki cyorezo cyahigaruriye cyane kurenza ahandi muri Afurika kuko abagera kuri 5,647 barayanduye, 2,073 barayikira mu gihe hamaze gupfa umubare ungana nuwab’apolisi banduye, 103.
Umwanditsi
