Cyera kabaye Tanzania yatangaje itariki yo gutangiriraho gukingira Covid-19

Mu gihe uwahoze ari Perezida  wa Tanzania John Magufuli yari umwe mu bayobozi ku isi batumvaga ubukana bw’icyorezo cya Covid-19 ndetse ntanahe agaciro ibyo uburyo bwose bwatangazwaga na OMS bwo kucyirinda, ubu Minisiteri y’ubuzima ya Tanzania yamaze kwemeza ko ko guhera kuwa gatatu izatangira gahunda yo gukingira imbaga.

Nyuma yahoo Perezida Magufuri yitabiye Imana, uwamusimbuye Perezida Samia Suluhu Hassan avuga ko ubu igihugu kirimo guhangana n’umuvuduko wa gatatu w’ubwandu bwa Covid-19 kandi yabwiye Abanyatanzaniya ko bagomba gukurikiza amabwiriza yinzego z’ubuzima ku isi mu rwego rwo gukumira ikwirakwizwa ry’iyi virusi.

Dorothy Gwajima  Minisitiri w’ubuzima muri iki gihugu usa nutari kubyumva kimwe na Perezida Suluhu we yatangaje ko hashobora kuzabaho mu gihe hazaba hatangijwe gahunda yo gukingira icyorezo cya Covid-19 mu murwa mukuru w’ubucuruzi Dar es Salaam.

Ibikorwa byo gukingira Covid-19 mu gihugu cya Tanzania bigiye kubaho mu gihe Umuyobozi Mukuru w’ishami ry’Umuryango w’Abibumbywe ryita ku buzima OMS yari amaze igihe hamagarira iki Gihugu guhaguruka Kikarwanya icyorezo cya Covid-19 cyivuye inyuma.

Tanzania ituwe  n’abaturage bakabakaba miliyoni 58 iri mu bihugu bitatu byo ku mugabane wa Afurika byari bitaratangira gahunda yo gukingira icyorezo cya Civid-19 , ubu ikaba igiye gutangira itanga urukingo rumwe rwa Johnson & Johnson.

IRADUKUNDA Olivier

Leave a Reply

Your email address will not be published. Required fields are marked *