Umuryango w’abayisilamu mu Rwanda Muslim Community (RMC) wamaze gutangariza abayisilamu ko ” Igisibo cy’ukwezi gutagatifu kwa Ramadhani Kizatangira kuwa 4 taliki 23 Werurwe 2023. ”
Nkuko bigaraga mu itangazo Umuryango w’abayisilamu mu Rwanda Rwanda Muslim Community (RMC) wasohoye wagize uti ” ubuyobozi bw’Umuryango w’Abayisilamu mu Rwanda RMC bunejejwe no kumenyesha Abanyarwanda muri rusange ko igisibo gitagatifu cy’ukwezi kwa Ramadhani kizatangira taliki 23 /03/2023.”
Ubuyobozi bw’Umuryango w’Abayisilamu mu Rwanda bwakomeje bwifuriza abayisilamu kuzagira igisibo cyiza.
Igisibo cy’ukwezi gutagatifu Ramadhani ni imwe mu nkingi 5 zubakiyeho Ubuyisilamu, aho Umuyisilamu ategekwa guhamya ko ntayindi Mana ikwiye gusengwa mu kuri uretse Allah, ndetse akanahamya ko Muhammad ari intumwa y’Imana, gusali 5 ku munsi, gutanga amaturo, gusiba igisibo cy’ukwezi gutagatifu Ramadhan ndetse no gukora umutambagiro ku ngoro ntagatifu Imaka.
Umwanditsi
