Umuvugizi w’itsinda rya OMS/WHO ryashinzwe kurwanya Covid-19 David Nabarro yavuze ko abantu bagomba kumenyera kubaho birinda Coronavirus kuko ntaho izajya.
Mu kiganiro yagiranye na BBC dukesha iyi nkuru, David Nabarro yavuze ko kwambara udukoresho turinda amazuru n’umunwa bishobora kuzaba ibya buri gihe.
Ati” abantu bagomba gutangira kumenyera ubuzima bushya bwo kubana n’iyi virus bayirinda. Iyi virus ntaho izajya, kuko ntabwo tuzi niba abanduye iyi virus umubiri wabo utongera kuyandura, kandi ntituzi igihe urukingo rwayo ruzabonekera.”
Yakomeje avuga ko uburyo bwose bwo kurinda mu maso(Abantu bambara udupfukamunwa) azi neza ko bugiye kuba ihame.
Ati” Ntekereza ko bizaba kubera ibyo nita guhora twiteguye Covid-19″.
Kugeza ubu ibihugu bitanduka ku isi byafashe ingamba zo kubwira abaturage babyo kuguma mu ngo, mu rwego rwo guhangana n’icyorezo cya Covid-19.
Mu Rwanda ho ingamba zari zashyizweho zo kuguma mu rugo zizarangira taliki 19 Mata, gusa zikaba zishobora kongererwa igihe kuko abarwayi bashya ba Coronavirus bakiboneka mu gihugu.
Umwanditsi
