Ni igikorwa cyabereye ku cyicaro cy’Intara y’Amajyepfo, kinitabirwa n’Abayobozi batandukanye barimo Senateri Emmanuel Havugimana, Inzego z’Umutekano Abayobozi batandukanye bo mu Ntara y’Amajyepfo, Abanyamadini, Imiryango yibuka Ababo ndetse n’abaturage batandukanye bo mu bice bitandukanye by’Intara y’Amajyepfo.
Umunyamabanga Nshingwabikorwa w’Intara y’Amajyepfo Parfait Busabizwa wari Uhagarariye Goverineri Alice Kayitesi muri iki gikorwa, yashimiye Abarokotse Ubutwari bakomeje kugaragaza no gutwaza, ashimira ubuyobozi bukuru bw’Igihugu ku buryo bwongeye kubanisha Abanyarwanda nyuma y’ibihe bikomeye igihugu cyanyuzemo, anasaba ko uru rugero rwabera buri wese inzira yo gukomeza umubano.
Mu gihe hagikomeje gushakishwa amazina y’Abahoze ari Abakozi ba za Perefegitura zahujwe zikaba Intara y’Amajyepfo bazize Jenoside yakorewe Abatutsi muri Mata 1994, abamaze kumenyekana kujyeza ubu ni 99.
Umwanditsi
